বিশেষশীৰ্ষস্বাস্থ্য

চল্লিশাের্ধ্ব ব্যক্তিৰ খাদ্য কেনে হােৱা উচিত

বয়স বাঢ়ি অহাৰ লগে লগে প্ৰতিগৰাকী মানুহৰে শাৰীৰিক আৰু মানসিক পৰিৱৰ্তন হােৱা দেখা যায়। এই পৰিৱৰ্তনে প্রত্যেকজন মানৱ দৈনন্দি যথেষ্ট প্রভাৱ বিস্তাৰ কৰে। বয়স বাঢ়ি অহাৰ লগে লগে মানুৱ উপলব্ধি কৰিব পৰা গুণ, দৃষ্টি শক্তি, ঘাণ শক্তি, শ্ৰৱণ শক্তি আৰু সােৱাদৰ পৰিৱৰ্তন ঘটাব লগতে তাৰতম্য ঘটে। তদুপৰি শৰীৰৰ মাংসপেশীব গঠন, হাড় গঠন আৰু Vital Organ অর্থাৎ জীৱনৰক্ষক অংগসমূহৰ মাংশপেশীৰ গঠনবাে লাহে লাহে পৰিৱৰ্তন হবলৈ ধৰে। এই সমছােৱাত পৰিপুষ্টিৰ দিশটোত গুৰুত্ব দিয়া প্রয়ােজন। বিশেষকৈ চল্লিশাের্ধ্ব ব্যক্তিসকলে পৰিপুষ্টিৰ ক্ষেত্ৰত অধিক গুৰুত্ব দিয়াৰ প্রয়ােজন। বয়স বাঢ়ি অহাৰ লগে লগে যিহেতু শৰীৰৰ ওজন বাঢ়ি আহে, তেনে ক্ষেত্ৰত শক্তিৰ ভাৰসাম্য ৰক্ষা কৰিবলৈ অধিক কেলৰিযুক্ত আহাৰ কমাই দিয়া প্রয়ােজন। অধিক কেলৰিযুক্ত খাদ্যই শক্তিৰ ভাৰসাম্য ৰক্ষা কৰিব নােৱৰে। চল্লিশাের্ধ্ব ব্যক্তিয়ে শাৰীৰিক কাম-কাজ বৃদ্ধি করা প্রয়ােজন। বয়সৰ লগে লগে মানুৱ হজম শক্তিৰ কিছু তাৰতম্য ঘটে। পাচক ৰসৰ পৰিমাণ কমি অহাৰ ফলত হজম ভালকৈ নহয়। সেয়েহে খাদ্য সম্পর্কে প্রত্যেক ব্যক্তিৰে নুনতম জ্ঞান থকাটো অতি প্রয়ােজনীয় কথা। চল্লিশাের্ধ্ব ব্যক্তিয়ে বিশেষকৈ কেলচিয়াম, ফাৰ বা আহজাতীয় খাদ্য, আইন, ভিটামিন ‘এ’, ‘চি আৰু ‘বিব খাদ্য অধিক খােৱা উচিত। অধিক কেলৰিযুক্ত আহাৰ পৰিত্যাগ কৰি কম পৰিমাণৰ আহাৰ খােৱাটো অধিক যুক্তিসংগত। বয়স বাঢ়ি অহাৰ ফলত সৃষ্টি হােৱা ডায়েবেটিছ, উচ্চ ৰক্তচাপ, হৃদযন্ত্র বিকল হােৱা, বৃক্ক অকামিলা হােৱা আদি বােগসমূহৰ পৰা হাত সাৰিবৰ বাবে কম কেলবিযুক্ত খাদ্য খােৱাটো নিতান্তই প্রয়ােজনীয়। চল্লিশাের্ধ্বৰ ব্যক্তিয়ে কেনেকুৱা ধৰণৰ খাদ্যৰে বয়সৰ ফলত সৃষ্টি হােৱা ৰােগসমূহৰ পৰা হাত সাৰিব পাৰে, তাৰে কিছু আভাস দিয়াৰ চেষ্টা করা হল – | চল্লিশাের্ধ্ব ব্যক্তিয়ে প্ৰধানকৈ সুষম আহাৰ খােৱা উচিত। এই সুষম আহাৰত ৬০ ৰ পৰা ৬৫ শতাংশ কার্বহাইড্রেট থাকিব লাগে। ফলমূল, সেউজীয়া শাক-পাচলি, চাউল, আটা, ময়দা, পাউৰুটী আদি হৈছে সুষম আৰযুক্ত খাদ্য। এই আহাৰ ৫৫ শতাংশ Complex কার্বহাইড্রেট হ’ব লাগিব আৰু দহ শতাংশ চেনি হ’ব লাগে। তাৰ লগত ২০ ৰ পৰা ২৫ শতাংশ চর্বিযুক্ত আহাৰ হ’ব লাগিব। তদুপৰি ১৫ ৰ পৰা ২০ শতাংশ প্রটিন থাকিব, য’ত মাছ-মাস, ছয়াবিন, বাজমা, দাইল, গাখীৰ আৰু গাখীৰৰ পৰা তৈয়াৰী খাদ্যসমূহ অন্তর্ভুক্ত হব লাগে। । প্রত্যেক দিনাই আহাৰৰ তালিকাত ২০ ৰ পৰা ৩৫ গ্রামকে আঁহজাতীয় খাদ্য খােৱা উচিত। পৰাপক্ষত দিনে দুবাৰকৈ ফলমূল, সেউজীয়া শাক-পাচলি আৰু তিনি-চাৰিবাৰকৈ দুটা বীজ বা শস্যবে প্রস্তুত কৰা খাদ্য যেনে – আটা, চাল, গম, ময়দা আদি খােৱাৰ অভ্যাস করা উচিত।  |চল্লিশাের্ধ্ব ব্যক্তিয়ে খাদ্যৰ পৰিমাণ কমাই দিয়া উচিত যদিও সঘনাই কম পৰিমাণত খােৱাটো প্রয়ােজনীয়। তেনে কৰিলে গােটেই দিনৰ শক্তি সমপৰিমাণে ভগাব পাৰি আৰু ওজন বঢ়াৰ পৰাও হাত সাৰিব পাৰি। | চল্লিশাের্ধ্ব ব্যক্তিয়ে তেল চর্বিজাতীয় খাদ্য কমাব লাগে। তেলেতীয়া খাদ্য বা অধিক তেলত ভজা খাদ্যবস্তু, ক্রীম, বেকাৰীৰ খাদ্য বস্তু পৰিহাৰ কৰা উচিত।

অৱশ্যে বয়স বঢ়াৰ লগে লগে শৰীৰত তেলৰ প্রয়ােজন নােহােৱা নহয়। বিশেষকৈ সুস্বাস্থ্যৰ বাবে তেল বা চর্বিত দ্রবীভূত হােৱা ভিটামিন ‘এ’, ‘ডি’ আৰু ‘ইৰ কাৰ। তেলজাতীয় শস্যৰ পৰা ওলােৱা তেল, ভেজিটেবল অইল আৰু কৃত্রিম মাখন ইত্যাদিবােৰ চল্লিশাের্ধ্ব ব্যক্তিয়ে খাব পাৰে।চেনি আৰু নিমখ কমাই খােৱাটো প্রয়ােজন। কিয়নাে চল্লিশ বছৰ পাৰ হৈ যােৱাৰ পিছত ব্যক্তিয়ে সহজে ডায়েবেটিছ অর্থাৎ বহুমূত্ৰ ৰােগ আৰু হাইপাৰটেছ অর্থাৎ উচ্চ ৰক্তচাপ আদি ৰােগত ভােগাৰ সম্ভাৱনা বৃদ্ধি পায়। | চল্লিশাের্ধ্ব ব্যক্তিয়ে নিচাজাতীয় দ্রব্য পৰিহাৰ কৰা উচিত। নিচাযুক্ত দ্রব্য যেনে— কেফি, এলকহ্ন, নিকোটিন আদি দ্রব্যসমূহে শৰীৰৰ কেলছিয়াম শােষণ কৰি লয়। ফলত ব্যক্তিত্ব হাড়সমূহ থুনুকা হৈ পৰে। | চল্লিশাের্ধ্ব ব্যক্তিসকলে দিনে তিনি-চাৰিবাৰ কম চর্বিযুক্ত তথা কেলছিয়ামযুক্ত খাদ্য গ্রহণ কৰিব লাগে। তদুপৰি দৈনিক কেলছিয়ামযুক্ত টেবলেট খালেও শৰীবে যথেষ্ট পরিমাণে কেলছিয়াম লাভ কৰে। সুপৰিকল্পিত আহাৰৰ সহায়ত বয়স বাঢ়ি আহিলেও একোজন ব্যক্তি সুস্বাস্থ্যবান হৈ থাকিব পাৰে। খাদ্যৰ লগে লগে দৈনিক ব্যায়াম কৰি, খােজকাঢ়ি এজন ব্যক্তিয়ে নিজৰ স্বাস্থ্য অটুট ৰাখিব পাৰে।

Related Articles

Leave a Reply

Your email address will not be published. Required fields are marked *

Close